Pumpon ti Aldaw, 3
Nangisit ti lapida ti lagip
Nga iti dekadeka a saning-i
Ket ti makaparkag nga ibit.
Kasano koma ngamin a malipatan
Daydi a rabii nga iti aldaw ket inaramid nga agngangabit,
Kas iti panangitalawda iti lungon nga ungauong
Tapno iti panagbusi ti paltog ket ti ubbaw a kanalbuong?
Nangisit met ti panteon nga anninaw ti nangisit a gagem,
Gakat, kalat, aminen a klase ti panangkapon iti tuuntuon
A generasion dagiti panangliput.
Markaan dagiti amin a nangisit
Iti nangisit met laeng a hokuspukos
Tapno ti salamangka ti pakasaritaan
Ket kaskasdi nga agrikusrikos
Ita ken iti di agressat a kusikusi dagiti aligusgos.
18 Nov 2016
No comments:
Post a Comment