PUNGPONG GINAPONG, 2
Revision ni A. S.
Agcaoili
Idi ubingak a bassit
Tinarakennak ti
ansisit
Sinukatannat’ sidami
Iti ukis ti kamantiris!
1. Pungpong ginapong
Paria, kamatis, tarong
Pakbetek no parbangon
Balonek a mapan talon
Idin ta dimmakelak
Ti ansisit ti
kadkaduak
No dadduma agpaabraw
Marunggay a barakubak!
2. Pungpong pinakbong
Kabatiti ken utong
Abrawek ‘ti agmatuon
Sidaen a mapan talon
Itan da dakkelakon
Ti ansisit a manangibaon
Pangalaennak balon
Uray no agmatuon!
3. Pungpong ginappong
Marunggay ken uong
Sidaek a kanayon
Mayat ti barukong
Idi ubingak a bassit
Tinarakennak ti
ansisit
Sinukatannat’ sidami
Iti ukis ti kamantiris!
4. Pungpong pinakbong
Alaen ti bugguong
Segsegek ‘ti malukong
Panimpla iti rabong
Idin ta dimmakelak
Ti ansisit ti
kadkaduak
No dadduma agpaabraw
Marunggay a barakubak!
5. Pungpong ginapong
Inabraw ken galunggong
Nanamek a balatong
Laokan sabidukong
Itan da dakkelakon
Ti ansisit a manangibaon
Pangalaennak balon
Uray no agmatuon!
6. Pungpong ginappong
Saluyot ken simarron
Laokak ‘ti bagbagkong
Balonek a mapan talon
Idin ta dimmakelak
Ti ansisit ti
kadkaduak
No dadduma agpaabraw
Marunggay a barakubak!
7. Balonek a mapan talon
Inabraw a rabong
Sagpawak ‘ti galunggong
Ranudek ‘ti agmatuon
Itan da dakkelakon
Ti ansisit a manangibaon
Pangalaennak balon
Uray no agmatuon!
8. Pungpong ginapong
Paria, kamatis, tarong
Pakbetek no parbangon
Balonek a mapan talon
Hon/2016
No comments:
Post a Comment