PUNGPONG GINAPONG
Revision ni A. S.
Agcaoili
Pungpong ginapong
Paria, kamatis, tarong
Pakbetek no parbangon
Balonek a mapan talon
Pungpong pinakbong
Kabatiti ken utong
Abrawek ‘ti agmatuon
Sidaen a mapan talon
Pungpong ginappong
Marunggay ken uong
Sidaek a kanayon
Mayat ti barukong
Pungpong pinakbong
Alaen ti bugguong
Segsegek ‘ti malukong
Panimpla iti rabong
Pungpong ginapong
Inabraw ken galunggong
Nanamek a balatong
Laokan sabidukong
Pungpong ginappong
Saluyot ken simarron
Laokak ‘ti bagbagkong
Balonek a mapan talon
Balonek a mapan talon
Inabraw a rabong
Sagpawak ‘ti galunggong
Ranudek ‘ti agmatuon
Pungpong ginapong
Paria, kamatis, tarong
Pakbetek no parbangon
Balonek a mapan talon
Hon/2016
No comments:
Post a Comment